كرواصون محشي

250غ فرينة+ربع ملعقة صغيرة ملح +ربع ملعقة صغيرة سكر +نصف ملعقة صغيرة خميرة البيرا+1ساشي خميرة الحلوى +ملعقة كبيرة زيت زيتون+كاس و نصف شاي ماءدافئ

الطريقة :

نأخد الماء و نضع فيه خميرة البيرا و نضيف عليها السكر و الملح ونخليوها مدة 05د حتى تطلع لخميرة ونخلطوها

-نأخد الفرينة ونصب عليها زيت زيتون و خميرة الحلوى ونخلط ونضيف الماء لي فيه خميرة البيرا ونخلط حتى نتحصل على عجينة طرية
نخليها تخمر شي نصف ساعة

نفردها رقيقة و نقطعها مربعات و نحشيها ونصفها في سينية فرن و ندهنها بالبيض و ندغزها بلإبرة باش ما تنحلش وتخرجلي الحشوة

الحشو:

بطاطا+بيض مسلوق+ فرماج للطهي+معدنوس قزبر+زيتون أخضر مقطع أنا مكانش عندي زيتون+فلفل أسود+ شوية ملح+حبة طماطم صغيرة محكوكة
نخلط الكل ونحشو بيها الكرواصون

و تقدم مع الحريرة أو الشوربة

بارك الله فيك على ماقدمت في اتم الروعة