بيتزا بالكفتة والكاشير

مقادير العجينة.

250غ فرينة+ربع ملعقة صغيرة ملح +ربع ملعقة صغيرة سكر +نصف ملعقة صغيرة خميرة البيرا+1ساشي خميرة الحلوى +ملعقة كبيرة زيت زيتون+كاس و نصف شاي ماءدافئ

الطريقة :

نأخد الماء و نضع فيه خميرة البيرا و نضيف عليها السكر و الملح ونخليوها مدة 05د حتى تطلع لخميرة ونخلطوها

-نأخد الفرينة ونصب عليها زيت زيتون و خميرة الحلوى ونخلط ونضيف الماء لي فيه خميرة البيرا ونخلط حتى نتحصل على عجينة طرية

ونضعها تخمر وبعدها نبسطها ونضع في الحواف فرماج أنا درت نتاع الميزان مكانش عندي متوفر الفروماج لي يدوب وتغلقي الحواف وتعمري و سطها بصلصة الطماطم
الصلصة:

حبة طماطم كبيرة +حبة بصل متوسطة الحجم +ورق رند+زعتر+ملعقة زيت زيتون +ملح+ فلفل أسود

نضع في مقلات البصل المحكوك مع ملعقتين زيت دوار الشمسونخليها حتى تذبال مليح ونضيف الطماطم وباقي المكونات الأخرى +ملعقة من الطماطم المركزة و نخليها حتى تنشف من الماء وتولي عاقدة

نأخد الكفتة تكوني متبلتها من قبل أنا أخذت 06 كرات كفتة وشويتهم في مقلات وفتتهم

أولا تحطي الصلصة و تدخليها للفرن حتى تطهى
وكي طيب خرجيها و حطي فوقها الكفتة و أنا حطيت مكعبات كشير و رابيت فوقها 02 بيضات مفيضيت و رابيت فوقها فروماج روج

و بالصحة و الهناء

امممممممممممممم انموت عليها
يعطيك الف عافية

الله يعطيك الصحة على وصفاتك الرائعة