أولا نسلق الأرز و العدس و المكرونة كل على حدى في ماء به ملح
و بعد ذلك نصفيهم من ماء لي غليناه فيه
و نخليهم يقطرو مليح
ومن بعد نمر لتحضير الصوص
نأخذ بصلة كبيرة نرابيها مليح و نحط معاها ملعقة كبيرة زبدة و نرابي معاها 02 فص ثوم
ونضع التوابل شوية ملح ماشي بزاف لأن الزبدة بها ملح و فلفل أسود و نقطع القزبر و المعدنوس تقطيع ناعم جدا و نخلط حتى لي يطيب البصل جيدا
ونحط في صحن التقديم الأرز ثم المكرونة ثم العدس
ثم نسقي بلاصوص نتاعنا الطبق من الفوق
نخليكم مع الصور للتوضيح أكثر
وكي تجي تاكلي حطي في صحنك لي تاكلي فيه و خلطي المكونات مع بعضها و كوليه بالصحة و الراحة
هذه الوصفة مدتها وحدة مصرية لأمي في عام من السبعينات
و كانت أمي دايمن ديرهالنا و علمتهانا نحن بناتها و أنا بدوري حبيت نحطهالكم في المنتدى باش كل وحدة تجربها
و إدعيولي بصالح الداء وماتنساونيش خاصة في السجود و الثلث الأخير من الليل
الخميس مارس 29 2018, 18:29 من طرف أم أنس
اليومية
