ميني طارط من مطبخي

السلام عليكن

اليوم جبتلكم وصفة لي ميني طارط كانت مدتهالي إحدى أخواتي و قلت نجربها وتفكرتكم و قلت نحطهالكم تستمتعو بمذاقها و شكلها الصغييور

نأخذ 03 حبات بيض +نصف كاس سكر رطب+ نصف كاس زيت+ 02 خميرة كميائية +02م ك شوكولا + فرينة

الكريمة نستعمل كريمة الزبدة لي هي
250غ زبدة + كاس سكر رطب+ صفار بيضة

الطريقة

نضرب البيض و السكر جيدا و نضيف الزيت و الشوكولا و الفرينة و الخميرة ونخلط جيدا حتى نتحصل على عجينة سائلة نحكم صينية فرن مدهونة و نسكبها فيها و ندخلها الفرن الذي تكوني سخنتيه من قبل وتخليها حتى طيب

و تخرجيها من الفرن و تخليها تبرد و من بعد تجيبي قطاعة دائرية الشكل وتكون مبرمة
وتقطعي بيها دي طارت صغار و من بعد تجيبي خدمي و تحلي الميني طارط ديالك وتعمريها بكريمة الزبدة و تكوني جهزتي كاوكاو مطحون او نواد كوكو و زيني بيها الجوانب ديالك بعد ما تكوني طليتيها هي تاني بلكريمة و حطي عسل أو مربى البرتقال و حطي فوقها الكاوكاو مهرمش كما هو موضح في الصور

و العجينة لي بقاتلك من بعد ما قطعتي عجنيها مع العسل وكوريها أو رشميها كيما تحبي أنا درتها غير باش ما ضيعش و رمديها في الكاو كاو أو أي شي آخر حبيتيه
الكريمة

ضربي الزبدة مع صفار البيضة و ضيفيلها السكر الرطب شوية بشوية حتى تتحصلين على خليط ابيض

ونتمنى تكون عجبتكم الطريقة